მიკროტალღურები

თანამედროვე მიკროტალღური ღუმელები - უსაფრთხოება და ახალი შესაძლებლობები

მიკროტალღური ღუმელი დღესდღეობით წარმოადგენს სამზარეულოს შეუცვლელ დამხმარეს. ის ფუნქციონირებს მაღალი სიხშირის ელექტრომაგნიტური გამოსხივების ხარჯზე. მაღალი სიხშირის ტალღების რხევები წარმოიქმნება მაგნიტრონით - რომლის მთავარი დეტალიც არის ვაკუუმის ელექტრო ნათურა. ფუნქციონირების ამ პრინციპიდან გამომდინარე, გავრცელდა ჭორები, თითქოს მიკროტალღური ღუმელები საზიანოა ადამიანთა ჯანმრთელობისთვის. მათი უსაფუძვლობა გააქარწყლა ჯანმომ, თავისი კვლევებით. თანამედროვე ტექნიკას აქვს საჭირო დაცვა, რათა მიკროტალღებმა არ გამოაღწიონ მჭიდროდ დახურულ კარში და არ წარმოქმნან საფრთხე.

გარდა ამისა, მიკროტალღური ღუმელი არის საკმაოდ მსუბუქი და კომპაქტური, განსხვავებით პირველი მოდელებისგან, რომელთა წონაც აღწევდა 300 კგ-ს, ხოლო სიმაღლეში იყო 1,5 მ-ზე მეტი. მიკროტალღური ღუმელების კიდევ ერთი მთავარი უპირატესობა არის მრავალფუნქციურობა. თანამედროვე ელექტრო მოწყობილობებს შეუძლიათ არა მხოლოდ სწრაფი გაცხელების და გალღობის რეჟიმებში მუშაობა. თანამედროვე მიკროტალღურ ღუმელებს ასევე აქვთ შესაძლებლობა მოამზადონ კერძები, ჩაანაცვლონ ორთქლსახარში, მულტიქვაბები და ასევე მთლიანად ღუმელი, სრულად მოერგონ თქვენს მიმდინარე საჭიროებებს. მათი დახმარებით თქვენ შეგიძლიათ მნიშვნელოვნად გაიიოლოთ თქვენი საყვარელი კერძების მომზადების პროცესი, შექმნათ კულინარიული შედევრები, უპრობლემოდ ჩაატაროთ მენიუს გამრავალფეროვნების ექსპერიმენტები.

მიკროტალღური ღუმელების ყველა არსებული მოდელი იყოფა შემდეგ ოთხ ტიპად:

ჩვეულებრივი (სოლო) - არის მიკროტალღური ღუმელის უმარტივესი და ყველაზე ბიუჯეტური ვარიანტი დამატებითი პროგრამების გარეშე, რომელიც მხოლოდ აცხელებს მზა კერძს და ალღობს გაყინულ საკვებს. მისი მთავარი უპირატესობებია დაბალი ფასი და სიმარტივე. გააჩნია მხოლოდ აუცილებელი, მინიმალური ოპციების ნაკრები და გამოირჩევა გამოყენების სიმარტივით;
გრილით - შეუცვლელია სურნელოვანი, ხრაშუნა ქერქისა და ტკბილი ნამცხვრების მოყვარულთათვის. არსებობს ტენით (სპირალური გამაცხელებელი ელემენტი მთავარ კამერაში) აღჭურვილი, ან კორპუსის ზედა ნაწილში ჩაშენებული კერამიკული (კვარცის) გრილით ( დაფარულია ლითონის ბადით, არ ამცირებს გამოსაყენებელ მოცულობას, არის იოლი გასაწმენდი);
კონვექციით - უკანა კედელში ჩამონტაჟებულია ერთგვარი ვენტილატორი, რომელიც ახდენს კამერაში ცხელი ჰაერის ცირკულირებას, რითაც ხელს უწყობს პროდუქტის ერთგვაროვან დამუშავებას. არის ღუმელების ღირსეული ალტერნატივა, იძლევა რეცეპტების სიის გაფართოების საშუალებას. ასეთ მიკროტალღურ ღუმელებში შეგიძლიათ შეწვათ თევზეული და ხორცეული, დააცხოთ ღვეზელები და ნამცხვრები, მარტივად მოამზადოთ სუპები და მრავალი სხვა კერძი. ზოგი მოდელი აღჭურვილია რამდენიმე ვენტილატორით, რაც უზრუნველყოფს კერძების მზადების განსაკუთრებულად მაღალ ხარისხს;
გრილით და კონვექციით - არის მრავალფუნქციური მიკროტალღური ღუმელები, ძირითადი ფუნქციების ორ დამატებით რეჟიმთან კომბინაციის გამო. ეს მოდელები ასევე არის შედარებით მაღალფასიანიც, ორიენტირებულია მაღალი მოთხოვნების მქონე მომხმარებლებზე, რომელთაც მზადების აძლევს ფართო შესაძლებლობებს.

მიკროტალღური ღუმელების მრავალფეროვნება ROZETKA-ს კატალოგში

საიტზე წარმოდგენილია უამრავი მოდელი, რომელთა შორის შეძლებთ იპოვოთ ნებისმიერი თანამედროვე სამზარეულოსთვის შესაფერისი ვარიანტი. მიკროტალღური ღუმელების უმეტესობა გადაწყვეტილია ტრადიციულ თეთრ, შავ და ნაცრისფერ ფერებში. ეს არის უნივერსალური მოდელები და ჰარმონიულად ჯდება ნებისმიერ ინტერიერში. თუ გსურთ რუხი ყოველდღიურობა გაამრავალფეროვნოთ ნათელი ფერების საშუალებით, შეგიძლიათ აირჩიოთ მწვანე, ლურჯი, ნარინჯისფერი ან, მაგალითად, წითელი ვარიანტი, რაც დაგეხმარებათ კლასიკისგან თავის დაღწევაში. ფორმა უპირატესად არის მართკუთხა, მაგრამ ასევე არის კვადრატული მოდიფიკაციები, მომრგვალებული კუთხეებით, ან მომრგვალებული ზედა ზედაპირით. მართვის პანელი უმეტესად განლაგებულია გვერდით, უფრო იშვიათად, ზევით, ან ქვევით. კარი, როგორც წესი, არის ან გამჭვირვალე, ან ნახევრად გამჭვირვალე, მართკუთხა ან ოვალური ფორმის. მრავალი ბრენდი გვთავაზობს მრავალფეროვანი დიზაინის გადაწყვეტებს, მათ შორის ისეთი მსოფლიოში ცნობილი მწარმოებლები, როგორებიცაა:

Samsung
Gorenje
LG
Panasonic
Toshiba
Electrolux
Whirlpool
Ardesto

მიკროტალღური ღუმელები გამოიყენება, როგორც საყოფაცხოვრებო, ისე პროფესიონალური მიზნებისთვის. კვების ობიექტებისთვის შემუშავებული მოდელები მოთხოვნადია სასადილოებში, კაფეებსა და რესტორნებში, ისინი გათვლილი არიან უფრო ინტენსიურ დატვირთვებზე, აქვთ მაღალი სიმძლავრე და სასარგებლო ოპციების მდიდარი ნაკრები. ტრადიციული მოდელების პარალელურად, იწარმოება ინვერტორული ელექტრო ტექნიკაც. ისინი ხასიათდებიან დახვეწილი დიზაინით და აღჭურვილი არიან ინვერტორით - DC გადამყვანით დენის კონტროლისა და რეგულირების მიზნით, კვება მიეწოდება მკვეთრი რყევების გარეშე, რის წყალობითაც საკვებ პროდუქტებს უნარჩუნდებათ მეტი მკვებავი ნივთიერებები და უმჯობესდება საკვების გემოვნური თვისებები. იმის გამო, რომ ინვერსიული ელემენტი გაცილებით მცირე ზომისაა, ვიდრე ტრანსფორმატორი, საიდანაც მაგნიტრონი იკვებება ჩვეულებრივ მოდელებში, ტექნიკა იგებს ზომებსა და წონაში.

რა უნდა გავითვალისწინოთ მიკროტალღური ღუმელის ყიდვისას

პარამეტრების გულდასმით შერჩევა საშუალებას მოგცემთ შეიძინოთ ზუსტად თქვენი საჭიროებების შესაბამისი მიკროტალღური ღუმელი. ტევადობაზე უშუალოდ არის დამოკიდებული ზომები (სიგანე, სიღრმე და სიმაღლე), ასევე ისიც, თუ რამდენი პორცია შეიძლება გაცხელდეს ან მომზადდეს ერთდროულად. ითვლება, რომ ერთი ადამიანისთვის საკმარისია მინიმუმ 10-15 ლიტრი, პატარა ოჯახისთვის - 20-23 ლიტრამდე, სამი ან ოთხი ადამიანისთვის - 25-დან 28 ლიტრამდე. კვების ობიექტებში ძირითადად ყენდება 28 ლიტრზე მეტი ტევადობის მქონე დიდი მოდელები. შერჩევის კიდევ ერთი საკვანძო პარამეტრია სიმძლავრე, რომელიც მერყეობს 450 ვატიდან 1680 ვატამდე დიაპაზონში. რაც უფრო მძლავრია ტექნიკა, მით უფრო სწრაფად უმკლავდება ის თავის მოვალეობებს, მაგრამ, ამავდროულად მოიხმარს მეტ ელექტროენერგიასაც. ასევე, მნიშვნელოვან როლს ასრულებს მიკროტალღური ღუმელების დაყენების მეთოდი და კარის გაღების თავისებურებები:

ცალკე მდგომი - არ საჭიროებენ სამზარეულოს ავეჯთან შეხამებას, ისინი შეიძლება დადგათ მაგიდაზე ან მათთვის სპეციალურად გამოყოფილ ნიშაში, ადვილად შეგიძლიათ გადაააგდილოთ ავეჯის ადგილის შეცვლისას, ან ხანგრძლივი დროით შესანახად. იოლად იწმინდება;
ჩასაშენებული მიკროტალღური ღუმელები - შეირჩევა სამზარეულოს დაპროექტების ეტაპზე, კონკრეტული ადგილის გათვალისწინებით. ქმნიან ერთიან, ჰარმონიულ კომპოზიციას სამზარეულოს ყველა სხვა ელემენტთან და ხელს უწყობენ სივრცის დაზოგვას. არც ისე ხმაურიანია მუშაობისას, ხმაიზოლაციის წყალობით;
სახელურით და დაკიდული კარით - არ გააჩნიათ ცალკე საკეტი მოწყობილობა. გამოდის ჩვეულებრივი მექანიკური საკეტით, კარი იღება გვერდიდან, საკმარისია სახელურის გამოწევა;
ღილაკით და ასაწევი კარით - კარი იღება სპეციალური ღილაკით, რომელიც განთავსებულია წინა პანელზე. ღილაკზე დაჭერით კარი ავტომატურად გამოიღება.

მიკროტალღური ღუმელების ყიდვისას განსაკუთრებული ყურადღება უნდა მიექცეს მართვის ელემენტებს. უმარტივესი, ყველაზე ხელმისაწვდომი და ყველაზე საიმედო მოდელები აღჭურვილია ღილაკებით და რეჟიმების გადამრთველებით. სენსორული პანელი აქვს ყოველგვარი გამოშვერილი ნაწილების გარეშე, სჯობს მექანიკას თავისი ესთეტიკური იერით, პარამეტრების სიზუსტით და პროგრამებით, გარდა ამისა, ასეთ მოდელებში არ გროვდება ჭუჭყი. კიდევ ერთი მნიშვნელოვანი მახასიათებელია შიდა საფარი:

ემალი - არის მეტად გავრცელებული მასალა, დაბალი ღირებულების გამო. ასეთი ზედაპირი ადვილად იწმინდება, მაგრამ საჭიროებს რეგულარულ მოვლას და იოლად იკაწრება;
უჟანგავი ფოლადი - ითვლება ყველაზე მტკიცე და გამძლე მასალად. გააჩნია მექანიკური ზემოქმედებისა და მაღალი ტემპერატურის მიმართ მდგრადობა, შედარებით ძნელად იწმინდება, ადვილად იღებს სუნს, ტოვებს ძნელად ამოსაყვან ლაქებს;
კერამიკა - ძნელად იკაწრება, ადვილად ირეცხება, მგრძნობიარეა დარტყმების მიმართ, შესაბამისად, მოპყრობისას საჭიროებს სიფრთხილეს;
ბიოკერამიკული ემალი - არის საოცრად გამძლე, კარგად ინარჩუნებს სითბოს, აქვს ანტიბაქტერიული თვისებები და ძალიან მგრძნობიარეა მექანიკური ზემოქმედებების მიმართ.

ყოველ მიკროტალღურ ღუმელს გააჩნიათ საკუთარი მახასიათებლები. მაგალითად, ზოგი მოდელი არის დისპლეით და შიდა განათებით, მიკვრის საწინააღმდეგო საფარით და ბრტყელი თასით, ღუმელისა და ორთქლით წმენდის ფუნქციებით. ზოგ მოდელს კომპლელქტში შეიძლება მოყვებოდეს ისეთი აქსესუარები, როგორიცაა თასი ცხიმისთვის, ბადე თეფშებისთვის, პლასტმასის საფარი შხეფებისგან დასაცავად. დეტალური აღწერა, მოდელის ფოტოები და მიმოხილვები დაგეხმარებათ შეარჩიოთ ისეთი მიკროტალღური ღუმელი, რომელიც ყველაზე უკეთ დააკმაყოფილებს ყველა პარამეტრს. კითხვების არსებობის შემთხვევაში, შეგიძლიათ მიმართოთ ჩვენს გაყიდვების ექსპერტებს კვალიფიციური რჩევის მისაღებად.