ბლენდერები

ბლენდერები უკვე დიდი ხანია აღარ არის მხოლოდ რესტორნების პროფესიონალური სამზარეულოების პრეროგატივა. ეს ტექნიკა სულ უფრო ხშირად გვხვდება სახლებში და ბინებში. ეს სამზარეულო ტექნიკა მეტად მოსახერხებელია მრავალფეროვანი კერძებისა, თუ სასმელების მოსამზადებლად, ხოლო ზოგი კერძის მომზადებისას კი, ბლენდერი არის აბსოლუტურად შეუცვლელი. 

ბლენდერების საშუალებით ხდება სხვადასხვა სახის პიურეების, კრემებისა და კოქტეილების მომზადება. ამ სამზარეულო ტექნიკის დახმარებით თქვენ დიდი ძალისხმევის გარეშე შეძლებთ  მისცეთ ნებისმიერ პროდუქტს ერთგვაროვანი მასის სახე. არსებობს მოდელები, რომლებიც განკუთვნილია მყარი პროდუქტებისთვის. მაგალითად, მათ შეუძლიათ ადვილად დაამსხვრიონ ყინულის კუბიკები. ასეთი მოწყობილობების განმასხვავებელ თვისებას წარმოადგენს ის, რომ მათი დახმარებით შეგიძლიათ მოამზადოთ საკვები საკმაოდ მცირე პორციებით, რაც ბევრი კომბაინის მოდელისთვის არის წარმოუდგენელი.

როგორი ბლენდერები არსებობს

პოპულარული ბრენდები ქმნიან ბლენდერების სულ უფრო და უფრო მრავალფეროვან მოდელებს. თითოეულ მათგანს გააჩნია საკუთარი ინდივიდუალური ტექნიკური მახასიათებელი, რომლებიც ამა თუ იმ დონით იზიდავს პოტენციურ მყიდველებს. ასეთი ელექტროტექნიკის მომხმარებლების მოხერხებულობისთვის შეიქმნა მათი უნივერსალური კლასიფიკაცია. ეს კლასიფიკაცია ეფუძნება ბლენდერების ინდივიდუალურ კონსტრუქციულ მახასიათებლებს. აქედან გამომდინარე, არსებობს ბლენდერების სამი ძირითადი ჯგუფი:

• ხელის ბლენდერი. ასეთი ბლენდერი გარეგნულად ძალიან ჰგავს ბეისბოლის პატარა ბიტას, კომფორტული სახელურით. ეს არის ამ ტექნიკის ყველაზე კომპაქტური ვარიანტი, რომელიც არ იკავებს დიდ ადგილს სამზარეულოში. ხელის ბლენდერი შეგიძლიათ შეინახოთ სამზარეულოს უჯრაშიც, ვინაიდან ის ადვილად შეიძლება დაიშალოს ორ ნაწილად. ასეთი მოწყობილობა ითვლება მრავალფუნქციურ ტექნიკად. მისი გამოყენება შეიძლება პატარა ჭურჭელში ჩაშვებით ისე, რომ არ შეიქმნას ჭურჭლის დაზიანების საფრთხე. გამოდის სხვადასხვა სიმძლავრისა და დიზაინის ხელის ბლენდერი.
• სტაციონარული. ასეთი ბლენდერები წარმოადგენს ტექნიკის ტრადიციულ ვარიაციას. ისევე, როგორც ხელის ბლენდერის შემთხვევაში, იწარმოება სხვადასხვა სიმძლავრის სტანციონარული ბლენდერის მოდელი. ოპტიმალურ ვარიანტად ითვლება 800 ვატზე მეტი სიმძლავრის ტექნიკა. ასეთი მოწყობილობები უმკლავდებიან, როგორც მყარ საკვებს, ასევე შეუძლიათ ყინულის კუბიკების დამსხვრევაც. სტაციონარულ ბლენდერებთან მუშაობისას, აუცილებელია პროდუქტები მოათავსოთ სპეციალურ თასში, რომელიც საჭიროების შემთხვევაში შეიძლება მოიხსნას. სტაციონალურ ბლენდერებს აქვთ საკმაო გაბარიტული ზომები და სამზარეულოში მოითხოვენ ცალკე ადგილს.