გამწოვები

რისთვის არის საჭირო გამწოვები?

სუნი არის კერძის მომზადების პროცესის განუყოფელი ნაწილი. თითოეულ კულინარიულ ექსპერიმენტს თან ახლავს სასიამოვნო და არც ისე სასიამოვნო არომატები. მომზადების პროცესში წვის პროდუქტები და საკვების მიკროსკოპული ნაწილაკები ხვდება ჰაერში. იმისთვის, რომ ამან დისკომფორტი არ გამოიწვიოს, აუცილებელია სამზარეულოს კარგი ვენტილაცია. აქედან გამომდინარე, რაციონალური გამოსავალია ისეთი საყოფაცხოვრებო ტექნიკის დაყენება, როგორიცაა სამზარეულოს გამწოვი.

როგორი გამწოვები არსებობს?

გამწოვები არსებობს სხვადასხვა ტიპის. მაგალითად, სტანდარტული მოდელები არის მცირე გაბარიტული ზომების, ისინი მეტად ეფექტურია პატარა სამზარეულოებში. ასეთი გამწოვები აღჭურვილია პლასტმასისგან ან მინისგან დამზადებული სპეციალური ხუფებისგან, რომლებიც ხელს უწყობენ ჰაერის მეტი მოცულობის შეწოვას. ისინი არის სხვადასხვა ტიპის: გუმბათოვანი, ტელესკოპური ან დახრილი.

ჩასაშენებელი გამწოვები თავსდება უშუალოდ კედელზე დაკიდულ ყუთში ისე, რომ მხოლოდ მცირე წინა პანელი ჩანს. უჯრის წინ გამოწევის შემთხვევაში იზრდება ჰაერის შეწოვის არეალი. ხშირად, ეს ტექნიკა დამონტაჟებულია კედლის ორ კარადას შორის და ასეთი მოწყობილობის წინა პანელი შეიძლება იყოს სამზარეულოს ავეჯის დიზაინის სტილში. ამ მოდელების ფართო ასორტიმენტი გამოირჩევა ორიგინალური დიზაინერული გადაწყვეტილებებით და მაღალი მწარმოებლურობით.

არსებობს ამ საყოფაცხოვრებო ტექნიკის მუშაობის რეჟიმის ორი ტიპი: მოდელები, რომელიც მუშაობენ უბრალოდ გაწოვის რეჟიმში და მოდელები, რომელიც ფილტრავენ შეწოვილ ჰაერს და აბრუნებენ მას იგივე ოთახში. გამწოვი-გაფილტვრის რეჟიმში სამუშაოდ აუცილებელია სპეციალური ფილტრები, რომლებიც საჭიროებისამებრ იცვლება. მართვის კრიტერიუმების დადგენა რთული არ არის. არსებობს  მოდელები სენსორული, მექანიკური და მცოცავი ღილაკებით, ასევე ელექტრონული და მექანიკური მართვის ელემენტებით. სენსორული გამწოვები სწრაფად და მარტივად აქტიურდება უბრალო თითის შეხებით. არსებობს მართვის სხვა ტიპიც - მცოცავი ღილაკები: გაწოვის პროცესი იმართება მექანიკური ჰორიზონტალური მცოცავი ღილაკების გამოყენებით.

არსებობს გამწოვები ელექტრო ტაიმერით. მომზადების დასრულებისას, თქვენ უნდა დააყენოთ ტაიმერი და გამწოვი შეწყვეტს მუშაობას გარკვეული დროის შემდეგ. განათება ჩაშენებულია ტექნიკის თითქმის ყველა მოდელში. ასეთი ფუნქცია გამოგადგებათ ღუმელის გასანათებლად დღის ბნელ მონაკვეთში კერძების მომზადებისას.

როგორ ავირჩიოთ გამწოვი?

გამწოვის არჩევისას აუცილებლად უნდა მიაქციოთ ყურადღება მის დამატებით ფუნქციებს და არა მხოლოდ დიზაინს, ფერს და ბრენდს. ასე, მაგალითად, არის მოდელები ვენტილატორის ნარჩენი სვლის პარამეტრით, ანუ, მას შემდეგ, რაც დასრულდება კერძის მომზადების პროცესი მოწყობილობა გააგრძელებს მუშაობას კიდევ რამდენიმე წუთის განმავლობაში. ეს ფუნქცია ხელს უწყობს ჰაერის უფრო ეფექტურ გაწმენდას.

ინტერვალებით ჩართვის ფუნქციის გააქტიურებას ავტომატურად გადაჰყავს მოწყობილობა მინიმალური სიმძლავრით და ხანმოკლე დროით მუშაობის რეჟიმში. მაგალითად, ყოველ ორ საათში მოწყობილობა 5-10 წუთით ჩაირთვება. ეს ვარიანტი უზრუნველყოფს სამზარეულოში სუფთა ჰაერის მუდმივ ცირკულაციას.

გამწოვის არჩევისას უნდა გაითვალისწინოთ რამდენიმე ძირითადი ფაქტორი:

• მწარმოებლურობა;
• მართვის თავისებურებები;
• სიგანე;

თითოეული ეს ფაქტორი დიდ გავლენას ახდენს ამ საყოფაცხოვრებო ტექნიკის მუშაობის ხარისხზე.

შემდეგ, ყურადღება უნდა მიაქციოთ ასევე მის ტექნიკურ მახასიათებლებსაც. არჩევის დროს მნიშვნელოვანი კრიტერიუმია მისი ზომა. გამწოვის გაბარიტული ზომები არ უნდა იყოს ღუმელის სიგანეზე ნაკლები. სასურველია, მისი სიგანე იყოს ოდნავ მეტი, თუ სამზარეულოს ფართობი იძლევა ამის საშუალებას. რაც უფრო დიდია მოწყობილობის გაბარიტული ზომები, მით უკეთ მოხდება ორთქლისა და სუნების გაწოვა.

გამწოვის მართვის ტიპი დამოკიდებულია მომხმარებლის ინდივიდუალურ გემოვნებაზე. ტექნიკის მწარმოებლურობა და სიმძლავრე საკმარისი უნდა იყოს მთელი სამზარეულოს ვენტილაციისთვის. ამიტომ აუცილებელია ავეჯის განლაგების გათვალისწინება და გადაწყვეტილების მიღება იმის თაობაზე, თუ როგორი სიმძლავრის უნდა იყოს თქვენს მიერ არჩეული გამწოვის მოდელი. 

რაციონალური გამოსავალი იქნება იმ მომხმარებელთა კომენტარების, რეიტინგებისა და გამოხმაურების ნახვა, რომლებმაც უკვე შეიძინეს ესა თუ ის მოდელი. კომენტარები დაგეხმარებათ გადაწყვიტოთ, თუ რომელი მოდელის არჩევა იქნება თქვენთვის საუკეთესო ვარიანტი, ასევე გაარკვიოთ ინდივიდუალური მოდელების მუშაობის ტექნიკური მახასიათებლები. საჭიროების შემთხვევაში, თქვენ ყოველთვის შეგიძლიათ მიმართოთ რჩევებისთვის ჩვენი მაღაზიის კონსულტანტებს. ისინი უპასუხებენ ყველა თქვენს კითხვას და აგიხსნიან თითოეული გამწოვის მოდელის ინდივიდუალურ მახასიათებლებს.